KutangbatoVlogger

AFP CHIEF GEN. CATAPANG BUMISITA SA 6TH DIVISION, MGA PAGSALAKAY NG BIFF TINALAKAY SA PAKIKIPAGPULONG SA MGA OPISYAL

November 20, 2014

Video at Istorya: Ferdinandh Cabrera
Mga Litrato: Pop Salahug

Cotabato City--- Binisita ngayong araw ni Armed Forces of the Philippines, Chief of Staff Gen. Gregorio Pio Catapang ang 6^th Division upang pag-usapan ang mga isyung seguridad lalo na sa mga bantang pag-atake ng mga Bangsamoro Islamic Freedom Fighters na sunod sunod nitong mga nakaraang araw.

Bandang alas dies kanina ay mainit na sinalubong ng mga sundalo ng 6^th Division sa pangunguna ni Maj. Gen. Edmundo Pangilinan si Catapang.

Sa ipinatawag na close door meeting sa mga opisyal ng 6^th division, pinag usapan  ang patuloy na mga banta sa seguridad sa Central Mindanao na kagagawan ng BIFF at ibang grupo.

Inamin din ni Catapang na isa sa rason kung bakit siya nandito ay kaugnay sa pagkakapaslang sa isang mataas na opisyal ng Intelligence Service Unit at dalawang kasamahan nito na kamakailan ay nabaril at napatay ng mga kasapi ng BIFF sa Barangay Kitango sa bayan ng Datu Saudi Ampatuan.

Kinilala ang nasawing opisyal  na si Major Gerald Finsona.

Samantala,  sa tanong kung ang isang naiuulat na umanoy Pililipo na miembro ng ISIS na kasama sa pinakahuling namugot sa 18 na mga Syrian  sa middle east ay hindi pa masasabi ng opisyal kung ito ba ay isang Filipino Citizen.

Unang napabalita na may mga extremist Muslims sa Mindanao ang nakapuslit na sa Middle East at sumanib na sa ISIS.

At maging ang  BIFF at Abu Sayyaf, kasama din sa mga armadong grupo na nagpahayag ng kanilang alyansa sa ISIS.

Nagkaroon din ng pagkakataon na sagutin ni Catapang ang mga Central Mindanao based mediamen kaugnay sa kanyang kontrobersyal na pagbisita kakailan sa Caballo island kung saan pansamantalang nakahimpil ang mga UN peackeepers mula sa bansang Liberia na sumasailalim sa 21 days na voluntary quarantine matapos tamaan ang bansang Liberia sa ebola virus.#END.